भुंदरा बौक कुत्ता अछेकि नि कटद ?
चबोड़्या स्किट संकलन ::: भीष्म कुकरेती
----------चरित्र ---------
भुंदरा बौ
लड़का
कुत्ता (बच्चा कुत्ताक भेष मा )
स्थान - बस स्टॉप
[भुंदरा बौ बेंच मा बैठिक स्मार्ट फोन पर घन्ना भाई क स्किट दिखणि च ]
[एक कुत्ता भुंदरा बौक पास बैठिक भुंदरा बौक खुट आदि चटणु च ]
भुंदरा बौ [अफिक ] - घन्ना भाई का स्किट स्टेज मा ठीक लगदन। स्मार्ट फोन मा उथगा मजा किलै नि आंद ह्वाल।
[इथगा मा एक लड़का आंद, कुछ देर इना -ऊना दिखद , कुछ टाइम पास करणो तरकीब सुचद ]
लड़का - लगणु च मीन आप तै दिख्युं च।
भुंदरा बौ [नराज ह्वेक ]- छोरी तै पटाणो भौत पुरण तरीका च।
लड़का - लगणु च हमर अर तुमर इकु बस च।
[भुंदरा स्मार्ट फोन मा व्यस्त रौंदि ]
लड़का - आपक कुत्ता काटद त नी च ?
भुंदरा बौ - नही , म्यार कुत्ता बड़ो सांत कुत्ता च।
[इथगा मा लड़का कुत्ता का पास जांद ]
[लड़का कुत्ता पर धीरे से प्यार से खुटन ठेस लगांद। कुत्ता पैल लड़काक हथ कटद अर लड़का तैं जमीन मा गिरांद अर फिर पैथर काटि दींदु। आस पास का लोग लड़का तै कुत्ता से छुडांदन ]
भुंदरा बौ - मि तै लगणु च बिंडी काटि दे।
लड़का - पर आपन त बोलि छौ आपक कुत्ता नि कटद ?
भुंदरा बौ -कनि ब्वाल। पर स्यु म्यार कुत्ता नी च।
No comments:
Post a Comment